Ramallah, 13 nëntor 2025 (MIA) - Kolonët izraelitë i vunë zjarrin një xhamie në një fshat palestinez në Bregun Perëndimor gjatë natës. Ata gjithashtu shkruan mesazhe urrejtjeje në muret e xhamisë. Incidenti vjen menjëherë pasi autoritetet izraelite dënuan një sulm të kohëve të fundit nga kolonët izraelitë ndaj palestinezëve në Bregun Perëndimor.

Gjatë sulmit u dogjën një mur, të paktën tre kopje të Kuranit dhe disa qilima në xhaminë Deir Istija. Kolonët shkruan gjithashtu mesazhe në hebraisht si: "Nuk kemi frikë", "Do të hakmerremi përsëri" dhe "Vazhdoni me dënimin".

Gjeneral majori Avi Blut, kreu i Komandës Qendrore të Izraelit, dënoi dhunën mbrëmë. Ushtria izraelite tha se kishte dërguar trupa për të hetuar vendin e ngjarjes, por nuk kishte identifikuar asnjë të dyshuar. Rasti i është referuar policisë dhe agjencisë së sigurisë izraelite.

Djegia e xhamisë është e fundit në një seri sulmesh që kanë ngritur shqetësime midis zyrtarëve të lartë, udhëheqësve ushtarakë dhe administratës së Trampit.

Në konferencën e djeshme për shtyp, sekretari shtetëror amerikan, Marko Rubio, tha se kishte "disa shqetësime në lidhje me ngjarjet në Bregun Perëndimor që mund të përhapen dhe të krijojnë një efekt që mund ta minojë atë që po bëjmë në Gaza". sa/

foto: EPA arkivi