Udine, 22 prill2024 (MIA) - Ekipi italian Udineze pasditen e sotme publikoi se Fabio Kanavaro është trajneri i ri i klubit nga Udine.

Udineze më herët sot publikoi se është ndarë nga ish-trajneri Gabriele Çofi, ndërsa disa orë më vonë e konfirmoi shtypin italian dhe emërimin e Kanavaros.

Klubi kumtoi se 50 vjeçari Kanavaro ka nënshkruar marrëveshje deri në fund të sezonit.

Kanavaro vjen në vendin e Gabriele Çofi, i cili u shkarkua pas humbjes të premten nga konkurrenti i drejtpërdrejtë në luftën për mbijetesë, Verona.

Udineze është e 17-ta në tabelën e Seria A me 28 pikë, po aq sa Frosinone, që është një vend më poshtë dhe në zonën e rënies.

Kanavaro, i cili në karrierën e tij futbollistike ka veshur fanellat e Juventusit dhe Real Madridit, ka qenë pa angazhim trajneri që kur u largua nga Benevento në vitin 2023. ls/

Foto: Fejsbuk