Teheran, 29 mars 2026 (MIA) - Ushtria izraelite njoftoi sot sulme ndaj Teheranit dhe objektivave të tjerë që synojnë infrastrukturën dhe strukturat energjetike iraniane.

 Agjencia e lajmeve "Fars" e Iranit, e cila është e lidhur me Korpusin e Gardës Revolucionare Islamike (IRGC), raportoi se raketat goditën një zonë banimi në jug të Teheranit. Në sulm humbën jetën dhjetë persona, përfshirë gjashtë migrantë afganë, bëri të ditur  "Fars".

 Organizata "Aktivistët e të Drejtave të Njeriut në Iran" (HRANA) me seli në ShBA  dje bëri të ditur se sulmet ndaj Iranit në ditët e fundit kanë qenë më intensivet që nga fillimi i luftës aktuale më 28 shkurt. HRANA tha se 74 për qind e sulmeve ishin në shënjestër në rajonin e Teheranit.

 Organizata vlerësoi numrin e të vdekurve deri më tani në 3.400, përfshirë të paktën 1.500 civilë.

 Forcat iraniane kanë vazhduar sulmet e tyre ndaj Izraelit. Sirena për sulme ajrore janë dëgjuar në qytete në jug të vendit. Shërbimi mjekësor i urgjencës "Magen David Adom" i Izraelit tha se nuk kishte raportime për të lënduar. Mediat iraniane konfirmuan sulmet.

 Mediat izraelite raportuan se sulmet kishin për qëllim Dimonën në shkretëtirën Negev, ku ndodhet reaktori bërthamor i Izraelit, raportoi DPA.

 Foto: DPA