Mançester, 31 janar 2024 (MIA) -  Trajneri i Mançester Sitit, Pep Guardiola, i është përgjigjur pyetjes nëse do të qëndrojë në ekip edhe pas përfundimit të sezonit 2023/24.

Spnajolli  53-vjeçar e drejton ekipin që nga korriku i  vitit 2016.

"Kuptohet, tetë vjet janë shumë, sezoni i ardhshëm do të jetë i nënti në Mançester Siti. Duhet të shohim se si do të ndihen lojtarët, nëse mund të qëndrojmë në nivelin e tanishëm, nëse lojtarët do të më dëgjojnë, nëse do të ndihem i lodhur apo jo  - në përgjithësi, gjithçka varet nga shumë faktorë. Por tani për tani ndihem mirë", i citon gazetari Fabricio Romano fjalët e Guardiolës.

 Më 26 janar, trajneri i Liverpulit, Jirgen Klop, njoftoi se do të largohet nga detyra në fund të sezonit 2023/24. Specialisti gjerman tha se një nga arsyet e vendimit të tij ishte se ndihet i lodhur nga puna e tij.

Foto: EPA