Mynih, 27 nëntor 2024 (MIA) - Mesfushori i Bajernit të Mynihut, Leon Gorecka i ka shprehur impresionet e tij pas fitore ndaj PSZH-së (1:0) në ndeshjen e xhiros së pestë në Ligën e Kampionëve.

"Kjo ishte një ndeshje mjaftë e tensionuar. Prej më herët e dinim çka të presim. Nga formacioni i tyre ishte e qartë se me katër mesfushorë, kundërshtari do të tentojë ta mbajë topin dhe të testojë deri ku jemi të gatshëm, por ne e arritëm qëllimin. Bukur është që përpjekjet janë shpërblyer me rezultat pozitiv", deklaroi Gorecka për ueb faqen e UEFA-s.

Bajerni i Mynihut tani ka nëntë pikë dhe gjendet në vendin e 11-të në tabelë. Parisienët deri tani kanë vetëm katër pikë dhe janë në pozitën e 26-të. bsh/

Foto: EPA