Athinë, 12 shtator 2024 (MIA) - Aftësitë operative në tokë, në ujë dhe ajër, në disa skenarë konkretë dhe të ndërlikuar, i treguan pjesëtarët e forcave për operacione speciale nga 12 shtete, në mesin e të cilëve edhe pjesëtarët e batalionit të forcave speciale Ujqit nga vendi ynë, në kuadër të stërvitjes ushtarake ndërkombëtare "Orion -24" që po mbahet në Greqi, informon korrespondentja e MIA-s nga Athina.

Në stërvitjen ndërkombëtare "ORION 24" të forcave speciale - marrin pjesë pjesëtarë të njësisë speciale nga Maqedonia e Veriut, SHBA-ja, Franca, Romania, Italia, Qiproja, Bullgaria, Austria, Polonia, Egjipti, nikoqiri Greqia dhe Kroacia në rolin e vëzhguesve, ndërsa në Ditën e mysafirëve të lartë dhe përfaqësues të mediave, në të cilën mori pjesë edhe MIA, ishin treguar aftësi të pjesëtarëve të njësive speciale në 17 skenarë të ndryshëm. 

Ndër skenarët që lanë përshtypje ishin një depërtim nënujor për të siguruar një ishull të vogël dhe një evakuim ajror i gjashtë anëtarëve të ekipit special duke përdorur SPIES, sistemin special të nxjerrjes së helikopterit me litar nga një zonë ku një ulje tokësore nuk është e realizueshme.

Në mënyrë shtesë, forcat speciale lironin anije dhe varka, evakuuan anije me hyrje në helikopter të llojit CH-47D, transmetonin informacione me ndihmën e dronit, etj.

Në ditën e sotme për mysafirët e lartë, stërvitja përfundoi me parashutistë, të cilët i mbanin flamujt e vendeve pjesëmarrëse. 

"ORION 24" ka nisur më 2 shtator dhe përfundon nesër, ku marrin pjesë 1.120 forca speciale, nga të cilat rreth 1.000 janë nga Greqia, të cilët në dhjetë ditët e fundit kanë marrë pjesë në stërvitjet e ditës dhe natës në pjesën më të gjerë të zonës së Atikës. Qëllimi është forcat speciale - forcat për operacione speciale të shkëmbejnë përvoja, të demonstrojnë aftësi dhe kapacitete operacionale, por edhe të promovojnë bashkëpunimin dhe ndërveprueshmërinë e pjesëmarrësve, duke inkurajuar stabilitetin rajonal.

Sot rreth 50 kilometra larg Athinës u mbajt Dita e  mysafirëve të lartë, pra ushtrimi ushtarak ndërkombëtar ishte i hapur për gazetarë dhe ambasadorë dhe u ndoq nga zëvendësministri i Mbrojtjes i Greqisë, Janis Kefalojanis, shefi i Shtatmadhorisë  së Armatës Greke Dimitris Houpis, ambasadorët në Greqi të vendeve pjesëmarrëse në stërvitje, mes tyre edhe ambasadorja e vendit tonë Lidija Boshkovska, e cila gjithashtu përshëndeti dhe uroi pjesëtarët e batalionit të forcave speciale Ujqërit.

Për pjesëtarët e njësisë speciale të Maqedonisë së Veriut kjo ishte pjesëmarrja e dytë në stërvitjen konkrete ushtarake, duke pasur parasysh atë që në maj 2023 ishin pjesë e stërvitjes "ORION-23".

Stërvitja ushtarake konkrete për herë të parë ishte mbajtur në Greqi në vitin 2018, atëherë vetëm në nivel kombëtar, ndërsa nga viti 2020 tashmë ka karakter ndërkombëtar me pjesëmarrje të aleateve dhe vendeve mike. 

"ORION-23" u mbajt nga 24 prill deri më 5 maj 2023. Ishte pjesëmarrja e parë e ORION për vendin tonë dhe përveç Maqedonisë së Veriut dhe Greqisë nikoqire, pjesë e stërvitjes ishin edhe pjesëtarë të forcave speciale të Qipros, Austrisë, Bullgarisë, Francës, SHBA-së, Malit të Zi dhe Serbisë. fc/

Fotografia: MIA