Shkup, 29 mars 2025 (MIA) - Me orarin veror të fluturimeve që hyn në fuqi në mesnatë, 16 linja ajrore do të fluturojnë nga Aeroporti i Shkupit në 47 destinacione të rregullta, ndërsa tre do të kryejnë 10 fluturime çarter. Më 2 prill, “Izixhet” do të nisë fluturimet për në Aeroportin Ndërkombëtar të Shkupit nga Aeroporti Orli në Paris, dhe nga 3 maji Uizer do të nisë fluturimet nga Barcelona dhe Lioni. Nga Aeroporti i Ohrit, gjashtë linja ajrore do të fluturojnë në shtatë linja të rregullta, si dhe do të ketë një fluturim çarter nga Mançesteri.

Për MIA-n nga TAV Maqedoni thanë se kanë shumë lajme për udhëtarët me orarin veror të fluturimeve.

"Javën e ardhshme, më 2 prill, do të mirëpresim fluturimin e parë “Izixhet” për në Aeroportin Ndërkombëtar të Shkupit nga Aeroporti Orli në Paris, i cili është i rëndësishëm për dy arsye. E para është se Aeroporti Orli i Parisit menaxhohet nga Groupe ADP, grup në të cilin është anëtar edhe TAV Aeroporte, dhe e dyta dhe në me rëndësi është që nga 2 prilli, pasagjerët në Aeroportin e Shkupit do të kenë përfitimin e udhëtimit në një nga aeroportet me më tepër fluks në Francë, i cili ofron fluturime të shumta vendore dhe evropiane, tha për MIA, Nexhat Kurti, menaxher i përgjithshëm i TAV Maqedoni.

Linjat e ardhshme të reja që do të prezantohen nga Aeroporti Ndërkombëtar i Shkupit, duke filluar nga 3 maji, janë Barcelona dhe Lioni, me Uizer. Ky, thekson Kurt, është një tjetër lajm i mirë për pasagjerët në Aeroportin e Shkupit, veçanërisht në lidhje me rikthimin e linjës ajrore në Barcelonë, pasi është një destinacion shumë i kërkuar udhëtimi.

Me fillimin e sezonit veror të fluturimeve, Aeroporti Ndërkombëtar i Shkupit fitoi dy linja ajrore të reja dhe dy destinacione të reja - "Transavia" dhe "Izixhet”, ndërsa aeroportit të Ohrit i është dhënë linja e re ajrore "Turkish Airlines", e cila lidh Ohrin me Stambollin katër herë në javë.

Fluturimi i parë nga Stambolli i “Turkish Airlines” filloi dje në Aeroportin e Ohrit, ndërsa më 2 prill do të fillojë fluturimi Shkup – Amsterdam i “Transavia”, linjë e re ajrore në tregun e aviacionit maqedonas, pjesë e grupit KLM Air France, linjë kjo e cila do të fluturojë për në Shiphol, qendra kryesore e aviacionit në Holandë.

Sipas orarit të fluturimeve verore, në Aeroportin e Shkupit, linjat ajrore të rregullta që operojnë gjatë gjithë vitit dhe sezonalisht, 47 destinacione dhe 16 linja ajrore janë: Athinë – Aegean Airlines, Beograd – Air Serbia, Aeroporti Sabiha Gokcen në Stamboll – EasyJet, Vjenë – Austrian Airlines, Cyrih – Chair Airlines, Zagreb dhe Split – Croatia Airlines Paris Orliy Aeroport, Polish Airlines, Frankfurt – Lufthansa, Oslo – Norweigan Air Shuttle, Bodrum, Aeroporti Sabiha Gokcen në Stamboll, Izmir dhe Antalia – Pegasus Airlines, Antalia dhe Izmir – Sun Express, Amsterdam – Transavia Airlines, Stamboll – Turkish Airlines dhe Barcelona, Basel Mulhouse, Berlin, Bolonja, Frankfurt, Fridrichshafen, Gotenburg, Hamburg, Lion, Malme, Maltë, Milan Malpensa, Mynih Memmingen, Nuremberg, Shtutgart, Oslo Paris, Romë (Fiumicino dhe Ciampino), Venecia Treviso, Karlsruhe, Lubjanë, London Luton – Wizz Air. Për më tepër, këto gjashtë destinacione kanë nga më shumë se një linjë ajrore gjatë orarit të fluturimeve verore të vitit 2025: Antalia (Pegasus dhe SunExpress, dhe charter nga Freebird Airlines) Frankfurt (Lufthansa në

Aeroportin e Frankfurtit dhe Wizz Air në Aeroportin Hahn) Stamboll (Turkish Airlines në iGA Airport; Pegasus dhe Ajet deri në aeroportin Sabiha Gokëen) Iymir (Pegasus dhe Sunexpress) Cyrih, Edelweiss dhe Chair Airlines) dhe Oslo (Oslo Sandefjord nga Wizz Air dhe Oslo – NorwegianAir Shuttle).

Përveç 47 destinacioneve të rregullta nga Aeroporti i Shkupit, tre linja ajrore do të operojnë 10 fluturime çarter: Freebird Airlines - fluturime çarter për në Antalia, Freebird Europe - fluturime çarter në Hamburg/Hanover, Mynih/Shtutgart, Berlin/Lajpcig, Mançester/Londër-Gatwick, Paris-Sharl de Ggol, Lion/Marsej, Diyeldorf/Frankfurt; Nesma Airlines për në Hurghada; dhe Nouvelair në Monastir.

Nga Aeroporti i Ohrit, gjatë sezonit veror të fluturimeve 2025, gjashtë linja ajrore do të kryejnë fluturime për në Beograd, Air Serbia, Cyrih me dy linja ajrore - Chair Airlines dhe Edelweiss, dhe Amsterdam me TUI Fly, Stamboll me Turkish Airlines dhe Vjenë, Dortmund dhe Memmingen me Wizz Air.

"Përveç kësaj, sipas informacioneve të fundit që kemi marrë si operator i aeroportit, TUI do të kryejë një fluturim çarter nga Mançesteri", thanë për MIA-n nga TAV Maqedoni.

Siç njoftoi Kurti së fundi në një intervistë për MIA-n, puna për modernizimin e aeroportit në Ohër pritet të fillojë muajin e ardhshëm. Planet janë që të rritet kapaciteti i terminalit të pasagjerëve dhe të ofrohet komoditet për pasagjerët që udhëtojnë nëpër aeroport dhe do të investohen 2.7 milionë euro. Trafiku ajror nuk do të ndalet gjatë aktiviteteve të planifikuara. Modernizimi i aeroportit është një detyrim i TAV-it, në përputhje me Marrëveshjen e Koncesionit të Aeroportit.

Nga fillimi i vitit në të dy aeroportet janë transportuar 597 086 pasagjerë

TAV Maqedonia vitin e kaluar 2024 e mbylli me gjithsej 3.174.484 pasagjerë në Aeroportin Ndërkombëtar të Shkupit dhe Aeroportin e Ohrit “Shën Apostull Pali”, që në të njëjtën kohë është një rritje prej një për qind në krahasim me vitin 2023. Këtë vit presin që rritja e numrit të udhëtarëve të mbetet konstante.

“Këtë vit, duke pasur parasysh zgjerimin e fundit dhe të ardhshëm të linjave ajrore nga të dy aeroportet, tendencat e udhëtimeve sezonale, veçanërisht gjatë sezonit të pikut të verës, strategjitë e marketingut të TAV Aeroporte për tërheqjen e linjave të reja ajrore dhe futjen e linjave të reja ajrore dhe politikat e qeverisë, ne presim që rritja e numrit të pasagjerëve të mbetet konstante, por të bazohet në modelet afatgjata të rritjes, pasi që nga viti i kaluar ritmi i rritjes së trafikut ajror është rikuperuar nga një ndryshim global.

Zëvendëskryeministri dhe ministri i Transportit, Aleksandar Nikolloski, më datën 10 të këtij muaji, pas takimit me Jiri Pos, kryetar i Bordit të Drejtorëve të Aeroportit Vaclav Havel - Pragë, njoftoi se janë duke u shqyrtuar mundësitë për lidhjen e Shkupit dhe Pragës me një linjë ajrore dhe për krijimin e linjës së re ajrore Ohër - Karlovi Vari.

Nikoloski në tetor të vitit të kaluar kishte njoftuar se këtë vit do të hapen gjashtë linja ajrore të reja, me Dubain, Barcelonën, Lionin, Shtutgartin, Bazelin dhe Stambollin.

Qeveria në gusht të vitit të kaluar miratoi një sërë masash për rritjen e numrit të udhëtarëve dhe shpalli program të ri për periudhën nga 1 janari i këtij viti deri më 31 dhjetor 2027 në vlerë prej 125 milionë denarë në vit ose gjithsej 375 milionë denarë për mbështetje të trafikut ajror. Mënyra e mbështetjes financiare ka ndryshuar dhe subvencionet po jepen për destinacionet ajrore, në vend të kompanive ajrore si më parë. Mbështetja prej shtatë euro për pasagjer të transportuar nga Aeroporti i Shkupit është rritur në nëntë euro, ndërsa në Aeroportin e Ohrit, në vend të 4,5 eurove si më parë, ndahen 12 euro për pasagjer të transportuar.

Nga 1 janari deri më 27 mars në Aeroportin Ndërkombëtar të Shkupit dhe të Ohrit kanë udhëtuar 597.086 pasagjerë dhe janë realizuar 4.933 fluturime. Gjatë sezonit dimëror 2024/2025, nga 24 tetori i vitit të kaluar deri më 19 mars të këtij viti, në të dy aeroportet janë transportuar 1.034.562 pasagjerë dhe janë realizuar 8.479 fluturime.

Lidija Velkovska

Foto: arkivi i MIA-s