Shkup, 2 tetor 2023 (MIA) - Prej sot do të fillojnë punët ndërtimore dhe punët e instalimeve në stacionin e pagesave në Gllumovë. Punët ndërtimore dhe rikonstruimi, është paraparë që të përfundojnë në afat prej gjashtë muajve, njoftuan nga Ndërmarrja Publike për Rrugë Shtetërore. 

Gjatë kryerjes së punëve ndërtimore, siç është paralajmëruar, stacioni i pagesave në Gllumovë do të jetë në funksion të pjesshëm dhe komunikacioni do të zhvillohet me regjim kohor të miratuar nga MPB dhe Ministria e Transportit dhe Lidhjeve. Nga NP Rrugët Shtetërore bëjnë thirrje për pjesëmarrje me përgjegjësi në komunikacion dhe respektimin e regjimit të përkohshëm. 

Përndryshe, përkujtojnë nga Rrugët Shtetërore, rikonstruimi investohet përmes një huaje nga BERZH në vlerë prej 948.261,21 EUR. Realizues i punëve është konsorciumi Aselsan Zhikol, ndërsa mbikëqyrës është Instituti për Rrugë, SHPKNJP Veles. Në fund të muajit tetor do të fillojë rikonstruimi edhe i pikëpagesës në Zhelinë. fc/

Fotografia: Arkivi i MIA-s