Shkup, 25 mars 2024 (MIA) - Masat dhe aktivitetet për zhvillimin e standardit studentor që ndërmerren nga organet kompetente shtetërore nuk janë mjaft efikase dhe ekonomike për të arritur një nivel të qëndrueshëm të pavarësisë financiare të konvikteve studentore, strehim dhe ushqim adekuat dhe për zbatimin e projekteve të rindërtimit dhe zgjerimit të kapaciteteve të konvikteve shtetërore të studentëve, thuhet në raportin e Entit Shtetërorë të Revizionit (ESHR). 

Revizorët konstatuan se verifikimi që duhet të bëhet nga MASH-i para fillimit të punës në konviktet e studentëve deri në ditën e kryerjes së revizionit nuk është kryer për të gjitha konviktet shtetërore të studentëve dhe nuk ka një regjistër të krijuar të konvikteve studentore, gjë që ndikon negativisht në zbatimin e procedurave të akomodimit të studentëve dhe realitetin e kapacitetit të shfaqur të konvikteve.

Nuk është përgatitur asnjë dokument i veçantë strategjik për standardin studentor me masa dhe aktivitete për zhvillimin dhe përmirësimin e kushteve të jetesës dhe të studimit në vend.

Në raportin e revizionit thuhet se gjithsej fondet që janë realizuar sipas Programit të Financimit, realizimit dhe zhvillimit të aktivitetit standard studentor për vitin 2022 është në vlerë prej 1.397.455 mijë denarë (rreth 22,6 milionë euro) dhe konkretisht: 50 për qind gjegjësisht 701.482 denarë janë për vaktet studentore, 30 për qind ose 424.2010 për bursat studentore, 17 për qind ose 232.164 për shpenzimet e akomodimit dhe ushqimit në konviktet e studentëve dhe 3 për qind ose 39.599 për shpenzimet e tjera.

"Mënyra e përcaktuar e subvencionimit të vaktit të studentëve nga ana e MASH-it përmes pagesës së llogarive transaksionale të studentëve nuk lejon të vërtetohet se janë paguar mjetet për vitin 2022 në shumë prej 701,482 mijë denarë (rreth 11,37 milionë euro), ose 50,2 për qind në mjetet e përgjithshme për standardet e studentëve përdoren ekskluzivisht për qëllimin e përcaktuar me Ligjin për ushqimin e subvencionuar të studentëve, ku gjatë vitit 2023 janë bërë ndryshime në Ligjin për vaktet studentore në përpjekje për të reduktuar mundësinë e kësaj sjelljeje të përdoruesve të fondeve", thuhet në raport.

Në raportin e revizionit vërehet një rënie e ndjeshme e kapaciteteve akomoduese të të gjitha konvikteve shtetërore të studentëve (KSHS) në periudhën 2019 - 2022, gjegjësisht nga 5.815 shtretër në 4.490 në vitin 2022 që përfaqëson 77,28 për qind plotësim, por edhe devijime në numrin e studentëve të akomoduar në krahasim me konkursin.

Raporti thekson edhe se objektet që i shfrytëzojnë KSHS-ja në pjesën më të madhe janë të vjetra dhe nuk plotësojnë nevojat e jetesës moderne; kanë kushte të pabarabarta, si dhe janë vërejtur pakënaqësitë e studentëve për ushqimin, akomodimin dhe funksionimin e konvikteve.

Në bashkëpunim me një ekspert të pavarur të punësuar, revizioni ka kryer edhe një anketë rreth kënaqshmërisë së studentëve me kushtet në konvikte. Me vlerësime nga 1 deri në 5 në pyetjet e vendosura janë përgjigjur 286 studentë gjegjësisht rreth 8,25 për qind nga numri i përgjithshëm. 

Nota mesatare më e ulët (1.67) është dhënë për pajisjet teknike (printer, fotokopje, kompjuter, TV) dhe për qëndrueshmërinë dhe shpejtësinë e internetit (1.81). Cilësia e të ushqyerit është vlerësuar me 2.64, higjiena me disponueshmërinë e ujit të nxehtë (2.41), kushtet e mësimit/atmosfera (2.53). Mes notës 2 dhe 3 sipas studentëve janë kushtet për sport dhe rekreacion, aktivitetet kulturore dhe argëtuese në konviktin e studentëve, ngrohja dhe ftohja e hapësirës, ​​siguria e objektit dhe pajisjet e kushtet fizike të dhomave në të cilën ndodhen. Mbi notën mesatare 3 kanë dhënë nxënësit për gjendjen dhe funksionalitetin e orendive (3.33) dhe për hapësirat e përbashkëta - mensa, salla e leximit/biblioteka, oborri (3.07).

Bazuar në të dhënat e marra nga konviktet shtetërore të kryera është edhe një analizë e sasisë së produkteve ushqimore bazë që janë më të zakonshme në dietën e studentëve në konviktet studentore. qa/

Foto: ESHR/arkivi i MIA-s