Gazë, 25 qershor 2025 (MIA) - Emiratet e Bashkuara Arabe dhe Organizata Botërore e Shëndetësisë (OBSH) dërguan ndihma mjekësore tek institucionet shsëndetësore në Rripin e Gazës si pjesë të nismës humanitare "Kalorësi i guximshëm 3", kumtoi agjencia e lajmeve e EBA-së.

Qëllimi është të zbutet kriza e thellë shëndetësore e shkaktuar nga mungesa akute e medikamenteve dhe materialit shpenzues mjekësor.

Ndihma sigurohet përmes spitalit mobil të EBA-së në Gazën jugore dhe përfshin sasi të mëdha të medikamenteve, materiale shpenzuese urgjente mjekësore dhe pajisje të specializuara për kujdes pediatrik. Përveç këtyre, u dërguan 150 shtretër të pajisur mjekësor dhe gjashtë tenda mobile për vendoje të njësive për mjekim të përkohshëm, me qëllim që të pakësohet barra e institucioneve shëndetësore.

Kjo ndihmë vjen në kushte të kolapsit pothuajse të plotë të sistemit shëndetësor në Gazë, shkaktuar nga dëmet e mëdha të infrastrukturës mjekësore dhe ndërprerjes së furnizimit me medikamente. Mijëra pacientë, përfshirë fëmijë, persona të lënduar dhe persosna me sëmundje kronike, janë në rrezik serioz. ab/

Foto: MIА arkivi