Madrid, 29 maj 2023 (MIA) – Sulmuesi i Real Madridit, Karim Benzema ka marrë ofertë nga Arabia Saudite, përcjell “Relevo”. 

Qeveria e Arabisë Saudite francezit 35-vjeçar i ofron kontratë me një nga klubet vendase për dy sezone me një pagë prej 200 milionë euro.

Krahas kësaj, sulmuesi mund të bëhet ambasador mbi ofertën e përbashkët të Arabisë Saudite, Greqisë dhe Egjiptit për të qenë nikoqir të Kupës së botës në vitin 2030.

Këtë sezon, Benzema ka pasur 42 paraqitje në të gjitha garat duke shënuar 30 gola dhe gjashtë asistime.

Foto: EPA