Mançester, 15 dhjetor 2024 (MIA) - Trajneri i Mançester Juanajtedit, Ruben Amorim, para derbit kundër Mançester Sitit në Etihad sot në orën 17:30 deklaroi se rivalët e qytetit janë aq të mirë në atë që bëjnë, sa që munden në çdo moment të ndryshojnë dinamikën e rezultateve.

"Ky është një ekip shumë i fortë me shumë vite punë të përbashkët. Ata fituan shumë, por edhe humbën shumë. Ne kemi një problem më të madh, sepse po punojmë në gjëra të thjeshta, por duam të fitojmë, të njëjtën e dëshiron edhe Mançester Siti”, tha portugezi.

Shtoi se do të duhet kohë për të ndryshuar gjërat në "Old Traford".

"Harrojeni trajnerin, klubit i duhet kohë. Kjo duhet kuptuar dhe fokusuar në çdo detaj. Duhet të përmirësohemi shumë, jo vetëm në aspektin e rezultateve", ka thënë Amorim.

Foto: arkivi