Скопје, 29 јануари 2025

Тешка катастрофа е инкриминирани лица да бидат советници на премиерот, тоа значи уште поголемо влијание од сегашното на Груевски. Ние имавме многу прилики да видиме, да слушнеме од бомбите што тие луѓе правеа, така што, си продолжуваат по старите режимски навики, истакна потпретседателката на СДСМ Ана Чупеска, за емисијата „Аргумент плус“ на ТВ24.

Чупеска нагласи дека тоа се луѓе коишто директно работеа со Груевски и потсети на дел од работите што го правеше режимот меѓу кои и упадот во Собранието на 27 ми април.

-Најмалку им е место во владата на вакви луѓе, што ќе советуваат, како се прави државен удар? Стварно е толку невкусно тоа што еманира порака према јавноста дека неказнивоста е можна. Да си влезете во Собрание, да ги претепате народните пратеници и никому ништо, нагласи Чупеска.

Едно е лагалистичкиот пристап но во никој случај не смее моралните и хуманистичките норми, нормите што се врзани за демократијата, којашто е гаранитрана во нашиот Устав да бидат доведени во прашање, порача потпретседателката на СДСМ Ана Чупеска, за емисијата „Аргумент плус“ на ТВ24.

Чупеска: Работа на владата е да ги заштити граѓаните за да не дојде до бојкот

Потпретседателката на СДСМ Ана Чупеска, за емисијата „Аргумент плус“ на ТВ24 истакна дека СДСМ во изминатиот период, пред најавениот бојкот на маркетите редовно го адресираше прашањето за ненормалниот раст на цените и за триковите што ги прават трговците со дозвола на владата.

-Не мора да си, не знам каков, економски аналитичар за да видиш како драстични се цените, при што платите не се зголемуваат, рече Чупеска.

Таа додаде дека веќе постојат добри решенија, од претходната влада, кои покажаа добар резултат, но и предлози на СДСМ за намалување на ДДВ на храната.  

-Фактот што воопшто власта не сака да слушне на таа тема или даноците коишто ги предлагавме да се намалат се игнорираа и затоа се доведоа самите во ваква ситуација. Сега има апсурдна ситуација да владата поддржува бојкот. Сами против себе ли? Кого поддржуваат, да прашам? Траги комичмни се тие блефови, коишто ги продаваат сега за поддршка на бојкотот. Па нивна работа не е да поддржуваат бојкот, туку да направат ситуација да не дојде до бојкот, да ги заштитат потрошувачите и граѓаните, порача потпретседателката на СДСМ Ана Чупеска, за емисијата „Аргумент плус“ на ТВ24.

СДСМ - Центар за комуникации со јавноста

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.