Скопје, 6 јануари 2025 (МИА) - Две лица од кои еден малолетник се фатени како вчера превезуваат мигранти на автопатот Табановце - Куманово. 

Министерството за внатрешни работи денеска соопшти дека 20-годишниот А.И. од скопското село Огњанци и малолетникот од селото Палатица, општина Желино, во возило „фолксваген голф“ со тетовски таблички превезувале тројца мигранти од кои двајца од Кина и еден од Индија.  

Полициските службеници со употреба на дрон ги забележале мигрантите како влегуваат во возилото, а по преземени мерки возилото било запрено, а лицата биле лишени од слобода.

По целосно документирање на случајот, против нив ќе биде поднесена соодветна пријава.

Мигрантите ее сместени во Прифатен центар за странци во Скопје за понатамошна постапка. бак/

Фото: МИА архива