Пешавар, 26 декември 2024 (МИА) – Пакистанските безбедносни сили денеска се судрија со бунтовниците во три одвоени престрелки, при што загинаа 13 милитанти на северозападот на земјата во близина на границата со Авганистан, соопшти армијата.

Војниците убија 11 бунтовници во два одвоени напади во областите Северен и Јужен Вазиристан во провинцијата Хајбер Пахтунхва. Уште двајца бунтовници биле убиени во третата рација во Бан, исто така во Хајбер Пахтунхва.

Во соопштението на армијата се вели дека армискиот мајор Мохамад Авеис бил убиен за време на престрелка со милитанти во Северен Вазиристан, поранешен упориште на пакистанските талибанци.

Пакистанските талибанци, познати како Техрик-е-Талибан Пакистан (ТПП), се посебна, но сојузничка група на авганистанските талибанци кои ја презедоа власта во Авганистан во 2021 година по повлекувањето на трупите на САД и НАТО.

Преземањето на талибанците во соседната земја ги охрабри пакистанските талибанци, кои ги засилија нападите врз безбедносните сили во последните месеци. јт/

Фото: ЕПА архива