Од утре претежно стабилно, температурите повисоки за околу три степени
- Од утре следува период на претежно стабилно време, освен во планинските подрачја каде ќе има ретка појава на претежно попладневен пороен дожд и ретки грмежи, информира УХМР.
![Од утре претежно стабилно, температурите повисоки за околу три степени](https://mia.mk/images/20240831120759_big_730x400_80.webp )
Скопје, 31 август 2024 (МИА) - Од утре следува период на претежно стабилно време, освен во планинските подрачја каде ќе има ретка појава на претежно попладневен пороен дожд и ретки грмежи, информира УХМР.
Дневните температури ќе бидат повисоки за околу 2 до 3 степени.
Утре ќе биде сончево со мала до умерена облачност и со слаб до умерен ветер од северен правец. Попладне во планинските подрачја ќе има услови за краткотраен пороен дожд и ретки грмежи.
Во Скопје претпладне ќе биде сончево со мала до умерена облачност и со умерен североисточен ветер, а попладне во делови од котлината ќе има услови за појава на пороен дожд и грмежи. мч/сст/
фото: МИА архива