Киев, 16 март 2025 (МИА) - Украинскиот претседател Володимир Зеленски изјави дека Русија не покажува искрена намера да ја заврши војната, посочувајќи на континуираните напади врз украински градови, пренесе ДПА.

„Оние што навистина сакаат мир, не дејствуваат на овој начин“, порача Зеленски на социјалните мрежи.

Тој нагласи дека само во изминатата недела Русија лансирала повеќе од 1.020 беспилотни летала, околу 1.360 насочувани авиобомби и најмалку 10 различни типови ракети врз Украина.

Зеленски во принцип ја прифати идејата за 30-дневно примирје, предложена од САД, но истакна дека Москва ги поставува своите услови и не покажува вистинска флексибилност.

Украина ги повика своите западни сојузници да ја засилат воената помош и да продолжат со воведување на нови санкции против Русија.

Во меѓувреме, американскиот претседател Доналд Трамп планира разговор со рускиот колега Владимир Путин во текот на неделата околу можностите за прекин на тригодишната војна, изјави неговиот советник Стив Виткоф за Си-Ен-Ен. ссм/

фото: архива