Uashington, 17 mars 2026 (MIA) - Janë anuluar më shumë se 12.500 fluturime nga moti i keq, që mbrëmë e ka përfshirë bregun lindor dhe pjesë tjera të SHBA-së, kumtoi Drejtoria federale amerikane për aviacion (FAA).

Në kumtesë thuhet se për shkak të rrezikut nga erërat e fuqishme dhe rrufeve, fluturimet u anuluan në tre aeroporte në rajonin e Nju-Jorkut - aeroportet "LaGuardia", "Xhon Kenedi" dhe "Njuark" në Nju-Xhersi, në Aeroportin kombëtar Ronald Regan në Uashington, në aeroportet në Sharlot dhe Atlanta, dhe në Aeroportin ndërkontinental "Xhorxh Bush" në Hjuston.

Ueb-Faqja për ndjekjen e fluturimeve "FlightAware" raportoi se më shumë se 8.500 fluturime janë anuluar nga ora 9 të mbrëmjes sipas kohës së mesme evropiane, ndërsa rreth 4.000 janë pezulluar tërësisht.

Autoritetet amerikane u dhanë urdhër nëpunësve federalë në zonën e Uashingtonit të largohen nga vendet e tyre të punës nga ora 7 të mbrëmjes sipas kohës së mesme evropiane për shkak të rrezikut nga stuhitë. bsh/

Foto: MIA arkiv