Frankfurt, 17 mars 2026 (MIA) – Dy persona janë qëlluar në një bistro në Raunhajm në afërsi të aeroportit në Frankfurt, njoftoi sot policia gjermane. 

Sipas të dhënave fillestare të policisë, një person i armatosur ka hyrë në bistro rreth orës 3:45 të mëngjesit sipas kohës lokale dhe i ka qëlluar dy personat, të cilët menjëherë kishin ndërruar jetë. 

Policia njoftoi se sulmuesi kishte ikur nga vendi i ngjarjes dhe se po vijon hetimi. Zona rreth bistros është e rrethuar gjerësisht. Një kontingjent i madh i policisë e kërkon autorin e ngjarjes, transmetoi DPA. 

Motivet për sulmin ende janë të paqarta, deklaroi zëdhënësi i policisë. fc/

Foto: DPA