Медиумската информативна агенција (МИА) е највлијателниот  извор на вести во Северна Македонија.

Со редакција од седумдесетина новинари и трисетина дописници што известуваат од земјата и од странство, МИА ја има најголемата и најразновидна продукција на вести во државата.

Дистрибуираме околу 300 - 350 написи дневно на македонски, на англиски и на албански јазик.Мултимедијалниот пристап е новиот предизвик на МИА.

Содржините ги изработуваме според професионални новинарски стандарди, поради што сме и најверодостојниот извор на вести од Северна Македонија.

Проверено, брзо, точно е мотото на МИА!

Меѓу нашите клиенти се бројни традиционални и елетктронски медиуми, научни и новински организации, амбасади, агенции за односи со јавноста, државни институции и меѓународни компании.

На клиентите им нудиме преноси во живо од главните настани во државата и странство, видео и фото, а го усовршуваме и видеосервисот.

МИА е предводник во борбата против непрофесионалното известување и лажните вести. Сите релевантни домашни медиуми, без разлика на нивните политички ставови, се претплатени, ги преземаат или емитуваат нашите написи.

Посветено работиме да останеме неутрални и непристрасни, произведувајќи информативни содржини што се актуелни проверени  брзи и точни.

 

ИСТОРИЈАТ

Македонската информативна агенција е основана во почетокот на 1998 година со одлука на Владата.

МИА произведува и дистрибуира вести на македонски и на англиски јазик од 30 септември 1998 година. Во мај 1999 година агенцијата го воспоставува и албанскиот сервис.

Ројтерс, Асошиејтед прес, АФП, Глас на Америка, Дојче веле и многу други регионални новински агенции  од агенциската балканска мрежа АБНА , редовно ја цитираат МИА како веродостоен извор на информации од земјата.

Примери за ова има не само во извештаите од времето на косовската криза во 1999 и безбедносната криза во 2001 г.,македонските евроатлански интегративни процеси, туку и кога се прават анализи на меѓународни политички и економски прашања поврзани со Северна Македонија и регионот.

Во април 2006 година, со одлука на Владата на РСМ, МИА го добива називот Акционерско друштво Македонска информативна агенција - Скопје во државна сопственост.

Во март 2019 година, во согласност со Преспанскиот договор, Македонската информативна агенција се преименува во Медиумска информативна агенција. 

 

РАКОВОДСТВО

Според Статутот на АД МИА, со агенцијата раководи Управен одбор со контрола на Надзорен одбор и Владата како Собрание на Друштвото..

Претседателот на Управниот одбор е и генерален директор и главен и одговорен уредник на МИА.

Личноста за оваа функција го именува Владата на Република Северна Македонија ,а  четирите членови на Управниот одбор  ги избира Надзорниот одбор.

Петте члена на Надзорниот одбор ги именува Владата на Република Северна Македонија.

АД МИА е организирана според општите стандарди што важат за националните новински агенции.

 

Со неа раководат:

Директор и главен и одговорен уредник,
Драган Антоновски

Заменик директор
Хаљит Ајдини

Уредник на Генерален сервис,
Ана Цветковска

Деловен секретар,
Даниела Димитриева

 

Надзорен одбор:

Мери Илиќ– Претседател на Надзорен одбор - 13.04.2021 година -  
Александра Мицоска-Митевска – член  на Надзорен одбор- 13.04.2021 година -
Ардиан Исени, независен член на Надзорен одбор  - 13.04.2021 година -
Татјана Поповска,  независен член на Надзорен одбор- 13.04.2021 година –

Управен одбор:

Драган Антоновски, Претседател на Управен одбор  и генерален директор- 24.04.2021 година-
Хаљит Ајдини, член на Управен одбор  и заменик директор- 24.04.2021 година-
Марјан Танушевски, член на Управен одбор, задолжен за финансиски и правни работи - 24.04.2021 година-
Ана Цветковска,член на Управен одбор,задолжен за генерален сервис на вести- 24.04.2021 година-

 

 

КОНТАКТ

ул.Плоштад Пресвета Богородица бр.3, 1000 Скопје
п. фах: 4

тел.: (02) 2461600
е-пошта: mia@mia.mk
интернетска страница: https://www.mia.mk