Dojran, 5 gusht 2023 (MIA) - Është vendosur kontroll i pjesshëm mbi zjarrin afër Dojranit para fshatit Nikoliq.

Këtë e bëri të ditur drejtori i Qendrës për Menaxhim me Kriza (QMK), Stojançe Angellov i cili theksoi se në Dojran pilotët e guximshëm me helikopterin policor deri më tani kanë kryer më shumë se 9 fluturime duke hedhur ujë me saktësi në pikat më kritike dhe me mbështetjen e zjarrfikësve lokal kanë vendosur kontroll të pjesshëm mbi zjarrin.

Ai shton se për shkak të erës së fuqishme dhe stuhisë së pritshme, aeroplani “Er traktor” i Drejtorisë për Mbrojtje dhe Shpëtim (DMSH) nga Kontrolli ajror nuk i është lejuar të fluturojë për në Dojran.

Zjarri afër Dojranit është duke u shuar nga zjarrfikës nga Dojrani, Vallandova, Gjevgjelia dhe ekipe të NP “Pyjet kombëtare”.

Ndryshe, sipas informacioneve të fundit nga banorët e fshatit Nikoliq, era është ngadalësuar dhe nuk ndikon në përhapjen e zjarrit. 

Foto: MIA