Manastir, 1 prill 2024 (MIA)  - Ekipet e Njësitit Territorial Zjarrfikës -  Manastir dhe Parku Kombëtar  Pelister kanë vënë nën kontroll zjarrin pyjor, i cili  pasdite ka shpërthyer në atarin në mes të fshatrave Rotinë dhe Capari nën Pelister.

 Në një deklaratë për MIA-n, komandanti i NJTZ - Manastir Goran Dimkovski theksoi se zjarri është ende aktiv, por është nën kontroll.

 "Fatkeqësisht qytetarë të papërgjegjshëm janë shkaktarë të zjarrit, i cili ndodhet 300 metra nga  hapësirat e Parkut Kombëtar Pelister. Në terren janë 18 zjarrfikës me 5 automjete të pajisura shumë, ndërsa bashkë me ne është edhe ekipi i zjarrfikësve nga  Parku Kombëtar Pelister. Zjarri është lokalizuar që të mos lëvizë në drejtim të pyllit me pisha të Pelisterit, por është afër rrugës rajonale Manastir-Resnjë", tha Dimkovski.

 Nga NJTZ - Manastir kanë konfirmuar se qëndrojnë në terren deri në shuarjen e plotë të zjarrit  pyjor nën zonën  e Pelisterit. 

 Foto: MIA