Shkup, 15 tetor 2023 (MIA) - Në fshatin Kondovë të Komunës së Sarajit sot në orën 14:17 është raportuar zjarr i cili ka përfshirë barin e thatë, shkurret dhe bimësinë pyjore me kërcell të ulët, informojnë nga Qendra për Menaxhimin me Kriza (QMK). 

 Sipas informacioneve të QMK-së, Brigada për Mbrojtje Kundër Zjarrit (BMKZ)  të Qytetit të Shkupit është në terren me dy automjete dhe pesë zjarrfikës.

 "Ky zjarr në ambient të hapur është ndër shumtat në vend sot, mbi të cilat veprojnë ekipet zjarrfikëse të disa institucioneve të Sistemit të menaxhimit me kriza, që është afër rrjetit rrugor dhe mund të vërehet më lehtë", thonë nga QMK-ja.

 Foto: MIA