Shkup, 31 tetor 2023 (MIA) - Ministria e Shëndetësisë bëri të ditur se  në programin e skriningut të kancerit të qafës së mitrës për vitin 2023, si edhe më parë, është përcaktuar një aktivitet për mjekët gjinekologë të familjes, të cilët në kuadër të programit mund të kryejnë Pap testin për gratë e moshës 21 deri në 59 vjeç, të cilat nuk kanë bërë pap test prej tre vitesh.

 Nga Minitria informojnë  se gjatë vitit pacientja që vjen te gjinekologu i familjes mund të bëjë një ekzaminim shtesë gjinekologjik me PAP test, sipas indikacionit mjekësor të përcaktuar nga gjinekologu i familjes. Ekzaminimet shtesë të përcaktuara nga gjinekologu i familjes janë përgjegjësi e FSSHM-së dhe pacienti paguan participim për ekzaminimin.

"Parandalimi i skriningut konsiderohet se kryhet me sukses nëse 75% e popullsisë së synuar të grave përfshihen brenda një periudhe trevjeçare. Prandaj, nga tetori 2022 me ndryshimet në Programin për zbulimin e hershëm të sëmundjeve malinje në RMV për vitin 2023, Ministria e Shëndetësisë prezantoi klinikat mobile gjinekologjike, të cilat janë pjesë e Programit të Ministrisë", theksojnë nga Ministria e Shëndetësisë. 

Gjatë vizitave të pacienteve në klinikat e lëvizshme gjinekologjike, siç theksojnë nga Ministria, arrihet qëllimi i ndërgjegjësimit për rëndësinë e ekzaminimeve të rregullta gjinekologjike, ekzaminimeve periodike gjinekologjike të rekomanduara dhe Pap testit, të cilat mundësojnë zbulimin e hershëm të kancerit në qafën e mitrës.

"Njëkohësishtë, pacientet marrin këshilla për planifikimin familjar dhe amësinë e sigurt. Shërbimet janë të destinuara për gratë dhe vajzat nga familjet në nevojë, në zona rurale të vështira për t'u arritur. Shërbimet janë të destinuara për gratë dhe vajzat nga familjet në nevojë, në zona rurale të vështira për t'u arritur.  Rekomandimet për shqyrtimin e kancerit të qafës së mitrës në Evropë, sipas Qendrës Rajonale të Kancerit janë si më poshtë: Sllovenia - një herë në tre vjet, Itali - një herë në tre vjet,  Francë - një herë në tre vjet pas dy testeve negative të njëpasnjëshme,  Hungaria - një herë në tre vjet", theksojnë nga Ministria.

 Nga Ministria e Shëndetësisë informojnë se qëllimi kryesor është zvogëlimi i incidencës dhe vdekshmërisë së grave nga kanceri i qafës së mitrës në Republikën e Maqedonisë së Veriut, rritja e numrit të personave që përfshihen nga skriningu i organizuar, ndërgjegjësimi i grave për rëndësinë e ekzaminimeve të rregullta parandaluese dhe përfshirja në skriningun e organizuar, rritja e numrit të gjinekologëve të përfshirë në skriningun e organizuar.

 Foto: Arkivi i MIA-s