Shkup, 10 maj 2023 (MIA) - Kuvendi sonte në kuadër të mbledhjes së 115-të e votoi Ligjin për Kooperativat dhe i zgjodhi Julijana Lefkovskën dhe Zhaklina Prosarovskën për anëtarë të Këshillit Shtetëror për Parandalim të Delikuencës së Fëmijëve.

Paraprakisht, pas debatit tërëditor, ishte votuar rendi i ditës së mbledhjes së 115-të në të cilën ishte konfirmuar nevoja për miratimin e propozim-ndryshimeve të pesë ligjeve në lidhje me ndërtimin e Korridoreve 8 dhe 10d me procedurë të shkurtër, me flamur evropian. 

Shënimi i ligjeve me flamurin evropian ka qenë arsyeja e diskutimit gjithëditor në të cilin deputetët e opozitës VMRO-DPMNE dhe E majta kërkuan që këto pika të hiqen nga rendi i ditës së propozuar, por propozimet e tyre nuk u votuan.

Mbledhja e 115-të do të vazhdojë nesër. fc/