Shkup, 22 qershor 2025  

Dje, opinioni publik mësoi se gjatë vetëm një mandati, Bujar Osmani ka zhvilluar një ofensivë të vërtetë diplomatike ndaj Beogradit, njëmbëdhjetë takime vetëm me ministrin e Jashtëm të Serbisë, si dhe takime të veçanta, shëtitje dhe darka me presidentin Vuçiq dhe anëtarë të tjerë të kabinetit serb. Më shumë se të gjitha kontaktet e tij bilaterale me Kosovën të marra së bashku.

Njëkohësisht, Osmani me krenari fotografohej  si promovues i projekteve që përputhen në mënyrë të përsosur me agjendën e të ashtuquajturit “botë serbe” nga turneu i “Ballkanit të Hapur” deri te protokollet e përbashkëta kufitare që nuk ekzistonin për Kosovën.

Ne pyesim:
• Sa takime ka pasur me ambasadorin e Serbisë në Shkup dhe sa prej tyre janë mbajtur të fshehura nga publiku?
• Sa herë ka udhëtuar privatisht në Beograd pa procesverbal dhe pa shoqërim nga diplomacia e Maqedonisë së Veriut?
• Çfarë e motivon ish-ministrin të mbajë kontakte kaq të shpeshta dhe të paqarta me Beogradin, ndërkohë që paraqitet si kundërshtar i “botës serbe”?
• A nuk është ky i njëjti Osmani që, në paraqitje televizive, ankohej se dikush tjetër po e shtynte bllokun shqiptar drejt një “skemë serbe”?

Bujar Osmani mund të kërkojë alibi, por faktet flasin më zëshëm se justifikimet e tij. Shqiptarët presin llogaridhënie: ku u zhdukën interesat kombëtare, ndërsa ai ndërtonte karrierë në linjën Shkup–Beograd?

E vërteta nisi të zbulohet dje dhe VLEN do të kujdeset të ndriçohet në tërësi. 

 Koalicioni "VLEN"

______________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit. 

Foto: Arkivi i MIA-s

_____________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки