Prishtinë, 17 tetor 2022 (MIA) - Presidentja e Kosovës, Vjosa Osmani, ka takuar sot ambasadorët e Gjermanisë, Italisë dhe Sllovenisë, me të cilët ka biseduar për liberalizimin e vizave për qytetarët e Kosovës dhe anëtarësimin e vendit në Këshillin e Evropës, njoftoi korrespondenti i MIA-s nga Prishtina. Në kumtesën nga kabineti presidencial thuhet se Osmani me ambasadorët ka biseduar për “zhvillimin politik pas takimit të 13 tetorit të grupit punues të KE-së për viza”, në të cilin, sipas mediave, Franca ka propozuar që liberalizimi për Kosovën të lidhet me Sistemi ETIAS, me të cilin për qytetarët e vendeve që kanë liberalizim do të futen të dhënat përpara se të udhëtojnë drejt vendeve të BE-së. "Sipas presidentes Osmani, është shumë e rëndësishme që mbështetja të vazhdojë edhe tani, kur Kosova pret të mbyllë procesin shumë të rëndësishëm të krijimit të mundësive për lëvizje të lirë të qytetarëve tanë, proces që ndikon drejtpërdrejt në jetën tonë. Ajo theksoi se anëtarët e BE-së duhet të kenë parasysh rekomandimin e Komisionit Evropian, i cili ritheksoi se vendi ynë i plotëson të gjitha kriteret, thuhet në kumtesën. Osmani theksoi se është e rëndësishme që në asnjë mënyrë të mos lejohet vendosja e kritereve të reja për anulimin e vizave Shengen për Kosovën, sepse, sipas saj, kjo do të mohonte të drejtat e njeriut të qytetarëve të Kosovës dhe do të dëmtonte besueshmërinë e BE-së. Të premten, më 14 tetor, Osmani ka pritur edhe ambasadorët e pesë vendeve anëtare të BE-së, të cilët raportohet se kanë përkrahur kushtëzimin e liberalizimit të vizave për Kosovën – Francën, Suedinë, Holandën, Belgjikën dhe Austrinë. Problemi me propozimin francez për lidhjen e liberalizimit me sistemin ETIAS, theksohet në Prishtinë, është se ky sistem as në vendet e BE-së nuk është planifikuar të funksionojë para nëntorit të vitit 2023. ls/