Tiranë, 18 prill 2026 (MIA) - Ministri për Evropë dhe Punë të jashtme i Shqipërisë, Ferit Hoxha deklaroi se Turqia është partnere dhe aleate e rëndësishme në kuptimin ekonomik dhe atë të sigurisë dhe shtoi se kanë për qëllim çdoherë ta përforcojnë partneritetin me Ankaranë dhe ta ngrisin në nivele më të larta.

"Turqia dhe Shqipëria janë përtej aleatëve, janë miq dhe partnerë strategjikë” duke theksuar se ”jemi anëtarë të NATO-s dhe vende kandidate për BE. Por, përtej këtyre, ekziston një miqësi e formësuar nga historia mes kombeve tona", deklaroi Hoxha për agjencinë Anadollu.

Duke theksuar se marrëdhëniet mes dy vendeve janë forcuar në fusha të ndryshme bashkëpunimi dhe në kontaktet e nivelit të lartë, Hoxha iu referua mbështetjes së "sinqertë" që Turqia i ka dhënë Shqipërisë në procesin e tranzicionit.

"Tani shohim se jemi në një marrëdhënie që do të jetë në dobi si të Shqipërisë ashtu edhe të Turqisë dhe që do të rritet gjithmonë duke arritur nivele më të mira. Turqia është një nga vendet më të rëndësishme për Ballkanin Perëndimor dhe NATO-n, Hoxha u shpreh se dëshirojnë ta forcojnë partneritetin me Ankaranë dhe ta çojnë atë në nivele më të larta", tha ai.

Hoxha theksoi se "nuk ka asnjë fushë ku Turqia dhe Shqipëria nuk mund të bashkëpunojnë”, Hoxha tha se “megjithatë, mund të them se fushat më të rëndësishme janë lidhjet tona ekonomike".

Hoxha theksoi se investimet dhe kontaktet ndërnjerëzore do të hapin rrugë për më shumë ide dhe projekte, gjë që do të përmirësojë klimën e punës në Shqipëri.

"Ballkani është një rajon ku kanë ndodhur shumë gjëra dhe ende nuk mund të themi se gjithçka është zgjidhur. E dimë se ka probleme që presin zgjidhje. Siguria, investimet në siguri, investimet në lidhjet e transportit dhe bashkëpunimi në investime që do të lehtësojnë biznesin e shqiptarëve në Turqi dhe të turqve në Shqipëri janë padyshim diçka që e duan të dy vendet dhe njerëzit tanë", theksoi Hoxha. ab/

Ai mori pjesë në Forumin e pestë diplomatik në Antali. ab/

Fotо: Hoxha Fejsbuk