Kiev, 17 gusht 2025 (MIA) - Forcat Ajrore të Ukrainës njoftuan se  gjatë natës kanë rrëzuar 40 nga 60 dronë të lëshuar nga Rusia.

 Që dje nga ora 19:30, Rusia ka sulmuar me një raketë balistike "Iskander-M", 60 dronë "Shahed" dhe disa dronë - imitues, të lëshuar nga Kursku, Bërjansku, Millerovo, Primorsko-Ahtarsku dhe Shatalovo.

 Sulmet u zmbrapsën me mjete për luftë elektronike, dronë dhe grupe mobile të zjarrit të Mbrojtjes Ajrore të Ukrainës. Deri në orën 9 të mëngjesit, 40 dronë janë shkatërruar mbi Ukrainën veriore dhe lindore.

Raketat ruse dhe rreth 20 dronë goditën 12 vende në rajonet Harkov, Donjeck dhe Dnepropetrovska.

 Në 24 orët e fundit, në front janë regjistruar 148 përleshje luftarake, 51 prej të cilave ishin në rajonin e Pokrovskut. Armata ruse pësoi humbje prej rreth 900 ushtarë dhe 4 tanke, raportoi Ukrinform.

 Foto: Arkivi i EPA-s