Shkup, 7 mars 2025

“Një theks i veçantë i është dhënë prodhimit blegtoral. Fondi i gjedheve në vend, ndryshe nga dhjetë vite më parë, është shkatërruar. Kemi një gjendje të zvogëluar ndjeshëm të numrit të kafshëve,” theksoi ministri i Bujqësisë, Pylltarisë dhe Ekonomisë së Ujërave, Cvetan Tripunovski, në emisionin “Natkast”.

“Për këtë arsye, subvencioni për litër qumësht të dorëzuar është rritur. Kemi paraparë edhe subvencione shtesë për viçat femra,” shpjegoi ministri Tripunovski.

Ministri shtoi se subvencioni për një lopë është 8.000 denarë. Opozita dhe një pjesë e opinionit publik u përpoqën të spekulonin se subvencionet janë ulur.

“Unë kam një shpjegim të qartë – 8.000 denarët plotësohen me subvencionin për litrin e qumështit të dorëzuar në kapacitetet përpunuese, i cili është rritur nga 5 në 6 denarë. Dërgoj një sinjal të qartë te fermerët se do të marrin subvencione më të larta nëse rritin prodhimin e qumështit,” theksoi ai.

Ministri vuri në dukje se Maqedonia po përjeton një rënie serioze të prodhimit të qumështit dhe se raftet e marketeve janë të mbushura me qumësht të importuar.

“Me këtë stimulim, duam që gjeneratat më të reja dhe popullata jonë të konsumojnë qumësht vendor dhe cilësor,” përfundoi ministri.

“Nëse e llogarisim subvencionin për çdo gjedh dhe për litrin e qumështit të dorëzuar, kemi një rritje vërtet të konsiderueshme,” shtoi ai.

MBPEU

_____________________________________________________________________________________ 

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit. 
 
 Fotografia: MBPEU