Shkup, 23 nëntor 2023 (MIA) - Ministrja e Punës dhe Politikës Sociale, Jovanka Trençevska sot u takua me kryetarin e Odës Ekonomike të Maqedonisë Veri-Perëndimore, Mendi Qyra dhe përfaqësues të odës. Në takim u bisedua për mungesën e fuqisë së punës në vend, njoftuan sot pasdite nga Ministria e Punës dhe Politikës Sociale (MPPS). 

Trençevska në takim ka theksuar se për të, prioritet është që pranuesit e ndihmës së garantuar minimale të përfshihen në tregun e punës. 

"Ajo thekson se në këtë mënyrë, 36.000 familje do të nxiren nga sistemi i mbrojtjes sociale dhe theksoi se për momentin bëhet fjalë për ndryshime të Ligjit për Mbrojtje Sociale që të mund të arrihet qëllimi i dëshiruar. Njëherësh, ministrja foli edhe për propozim-ligjin për angazhim në punë të personave në veprimtari të caktuara, që ka për qëllim që ta ulë ekonominë gri dhe ta lehtësojë qasjen në tregun e punës", sqarohet në kumtesën e MPPS-së. 

Përfaqësuesit e Odës Ekonomike i treguan qëndrimet e tyre në lidhje me mungesën e punëtorëve. Ata kanë theksuar zgjidhje të cilat me shkrim do të dorëzohen në Ministrinë e Punës dhe Politikës Sociale. fc/

Fotografia: MPPS