Nuk, 14 janar 2026 (MIA) - Kryeministri i Grenlandës, Jens-Frederik Nilsen tha se dëshiron që ishulli të mbetet pjesë e Mbretërisë Daneze. Ai dhe tha se nuk dëshiron që Uashingtoni ta kontrollojë Grenlandën.

Pas deklaratës së tij, presidenti amerikan Donald Tramp tha se Nilsen për shkak të qëndrimit të tij do të ketë "probleme të mëdha".

"Pra, ky është problemi i tij. Nuk pajtohem me të. Nuk e di kush është ai, nuk di asgjë për të, por kjo do të jetë një problem i madh për të", theksoi Trampi duke u përgjigjur në pyetjen e gazetarëve për deklaratat e Nilsen.

Grenlanda është pjesë e Danimarkës. Ishulli ishte koloni deri në vitin 1953, ndërsa nga viti 2009 ka shkallë të lartë të autonomisë, me të drejtën për të menaxhuar me punët e brendshme dhe të krijojë politikën e vet.

Nga fillimi i mandatit të tij të dytë, Trampi vazhdimisht përsërit se Grenlanda duhet të jetë pjesë e SHBA-së për shkak të vlerës së saj strategjike për sigurinë kombëtare. Tensionet plotësisht u rritën pas operacionit ushtarak të SHBA-së në Venezuelë në fillim të janarit.

Liderët e të gjitha pesë partive politike parlamentare të Grenlandës lëshuan një deklaratë të përbashkët, me të cilën dënohet presioni i Uashingtonit dhe qartë kundërshtohen në përfshirjen ndaj SHBA-së.

Në të njëjtën kohë vendet-anëtare të Bashkimit Evropian biseduan për përgjigje eventuale nëse realizohen kërcënimet amerikane. sa/

foto: EPA