Trajkovski: Janë mbyllur 10 markete, tregtarët e paregjistruar të regjistrohen më së voni deri më 15 tetor
- - Nga 19 shtatori, kur u miratua vendimi i parë i qeverisë për uljen e çmimeve, janë kryer mbi 550 kontrolle, janë lëshuar mbi 32 urdhërpagesa dhe janë shqiptuar gjoba në shumë prej 6.320 milionë denarë. Gjobat janë për mosrespektim të Vendimit, por edhe për zbatim të praktikave të padrejta tregtare, ndërsa veprimi është ndërmarrë në përputhje me Ligjin për mbrojtjen e konsumatorëve, njoftoi sot drejtori i Inspektoratit Shtetëror të Tregut (ISHT), Goran Trajkovski dhe informoi se janë mbyllur 10 markete: në Shkup, Kumanovë, Kërçovë, Gostivar, Kavadar, Tetovë dhe Strugë.
- Post By Fitore Curri
- 13:55, 1 tetor, 2023
![Trajkovski: Janë mbyllur 10 markete, tregtarët e paregjistruar të regjistrohen më së voni deri më 15 tetor](https://mia.mk/images/20231001135512_big_730x400_7.webp )
Shkup, 1 tetor 2023 (MIA) - Nga 19 shtatori, kur u miratua vendimi i parë i qeverisë për uljen e çmimeve, janë kryer mbi 550 kontrolle, janë lëshuar mbi 32 urdhërpagesa dhe janë shqiptuar gjoba në shumë prej 6.320 milionë denarë. Gjobat janë për mosrespektim të Vendimit, por edhe për zbatim të praktikave të padrejta tregtare, ndërsa veprimi është ndërmarrë në përputhje me Ligjin për mbrojtjen e konsumatorëve, njoftoi sot drejtori i Inspektoratit Shtetëror të Tregut (ISHT), Goran Trajkovski dhe informoi se janë mbyllur 10 markete: në Shkup, Kumanovë, Kërçovë, Gostivar, Kavadar, Tetovë dhe Strugë.
Siç theksoi Trajkovski në konferencë për media, në mesin e këtyre dhjetë marketeve nuk ka asnjë nga ata pesë që ishin mbyllur fillimisht.
Drejtori i ISHT përsëriti se afër çmimit të ulur të produkteve duhet të qëndrojë shenja "çmimi i garantuar", ndërsa afër atyre që janë me vetë iniciativë më të lira nga marketet, duhet të ketë shenjë adekuate e cila këtë e tregon qartë.
Ai u bëri thirrje të gjithë tregtarëve të paregjistruar, të regjistrohen më së voni deri më 15 tetor sepse pastaj, paralajmëroi, do të vijojnë kontrollet e përforcuara.
"Në 10 ditët e fundit jemi kujdesur që kushdo që nuk respekton masën e qeverisë të dënohet dhe kushdo që zbaton praktika të pandershme tregtare do të burgoset dhe nuk do të ketë kompromis për askënd. Kështu do të jetë edhe në të ardhmen, nuk do të ketë kompromis dhe kush nuk respekton masat dhe vendimet e Qeverisë do të dënohet, dhe ai që e përsërit veprën do të burgoset për një kohë të gjatë" nënvizoi drejtori.
Qëllimi i ISHT, përsëriti Trajkovski, nuk është që kompanitë të jenë të mbyllura, por që të respektohen vendimet.
Në lidhje me tregtarët e paregjistruar, theksoi se nëse pas 15 tetorit vërehet ndonjë tregtar i cili kryen veprimtari të paregjistruar, do të ketë gjoba dhe do të merret malli.
Në pyetjen e gazetarëve rreth mungesës së disa produkteve në markete, si vezët, ndërsa më parë edhe mishi, siç u paraqitën konsumatorë, Trajkovski tha se tregtarët duhet të tregojnë nëse kanë problem me furnizuesit që Inspektorati të reagojë.
Ai përkujtoi se numri i telefonit 02/191 për denoncim të parregullsive funksionon 24 orë, çdo ditë të javës.
Për rregullimin e tregjeve, Trajkovski tha se ISHT nuk është kompetent.
"Por jam i bindur, nëse bashkë me Ministrinë e Ekonomisë gjejmë mënyrën për të funksionuar dhe për të vepruar, ISHT do të veprojë edhe në tregje", është i vendosur drejtori. fc/
Fotografitë: MIA dhe ISHT