Shkup, 8 tetor 2024 (MIA) - Ministri i Punëve të Brendshme, Pançe Toshkovski ka realizuar takim pune me ambasadorin e posaemëruar të BE-së në vend Mikalis Rokas. 

Siç informon Ministria e Punëve të Brendshme, Toshkovski drejtoi urime ambasadorit për emërimin në pozitën e re dhe shprehu besimin se bashkëpunimi i shkëlqyeshëm dhe marrëdhëniet miqësore do të vazhdojnë si me të gjithë ambasadorët e mëparshëm të BE-së në vend. 

"Bashkimi Evropian është partneri ynë më i rëndësishëm me mbështetje përmes fondeve strukturore, projekteve IPA dhe së fundi, përmes Planit të rritjes, vendi mund të përparojë në këtë fazë të fundit të rrugës sonë drejt integrimit të plotë evropian. Ne e pamë solidaritetin në veprim këtë verë. Falenderojmë BE-në dhe shtetet e saj anëtare për ndihmën që na dhanë për të përballuar zjarret që goditën vendin këtë verë, pa ndihmën e tyre. ndihma, humbjet dhe dëmet për vendin do të ishin të pallogaritshme", potencoi ministri Toshkovski. 

Ambasadori Rokas, siç theksihet,  theksoi projektet aktuale dhe përkrahjen të cilën e marrim nga BE-ja në drejtim të forcimit të kapaciteteve të Ministrisë së Punëve të Brendshme, veçanërisht në fushën e migracionit të kundërligjshëm, luftës kundër krimit të organizuar dhe korrupsionit të lartë dhe i potencoi sfidat në të cilat duhet të fokusohemi për përafrimin me standardet evropiane.

"Rokas shprehu mbështetjen e tij për proceset reformuese dhe prioritetet e Ministrisë në luftën kundër krimit të organizuar dhe të të gjitha llojeve të korrupsionit dhe garantimin e sigurisë të të gjithë qytetarëve dhe shoqërisë nga ana e  MPB-së", qëndron në kumtesën e MPB-së.

Foto: MPB