Shkup, 14 nëntor 2024 (MIA) - Është vënë në funksion makineria e re, e cila rrit kapacitetin për lëshimin e patentë shoferëve apo letërnjoftimeve, informoi ministri i Punëve të Brendshme, Pançe Toshkovski dhe u bëri thirrje qytetarëve të Maqedonisë që të ndërrojnë patentë shoferët që kanë emrin e vjetër kushtetues deri në fund të këtij viti.

Toshkovski, duke qenë i ftuar në ditarin e televizionit Sitel, theksoi se kanë mbetur rreth 200 mijë patentë shoferi të cilat duhet të ndërrohen, të cilat me kapacitetin momental mund të bëhen për jo më shumë se 20 ditë.

"Pra për 20 ditë mund të printojmë dhe personalizojmë të gjitha patentë shoferët që duhen, kemi siguruar formularët e mëhershëm kur nuk ka pasur formularë. Tashmë nuk pritet që qytetarët të kenë qasje në hapësirat për të bërë fotografi dhe për ta përfunduar atë punë", tha Toshkovski në një intervistë për Sitel.

Toshkovski po ashtu theksoi se nëse ato janë të vlefshme, e njëjta nuk është në kurriz të tyre në pjesën e kostos që i paguhet shtetit në pjesën e përgatitjes së patentë shoferit. sa/

Foto: Arkivi i MIA-s