Tajpei, 3 prill 2024 (MIA) - Tërmet i fuqishëm me intensitet prej 7,4 ballë sipas Shkallës së Rihterit sot e goditi Tajvanin, ndërsa sipas informatave të deritanishme, katër persona e kanë humbur jetën, ndërsa dhjetëra janë lënduar. Numri i viktimave pritet të rritet, njoftojnë mediumet lokale, duke theksuar se bëhet fjalë për tërmetin më të fuqishëm në 25 vitet e fundit në këtë vend.

Stacionet televizive transmetonin pamje nga ndërtesat se si lëkunden në qytetin Hualien, në afërsi të epiqendrës, duke cekur se të paktën 26 ndërtesa janë shembur.

STRONGEST #earthquake IN 25 YEARS HIT #Taiwan #Japan. MASSIVE DESTRUCTION REPORTED EVERYWHERE💔 #Tsunami IS APPROACHING TOO.
This is a reminder of how life is so temporary. Prayers for them 💔 pic.twitter.com/6YKAYqSFMi

— Shehryar Sajid Khan (@Sskwrites) April 3, 2024

Mediumet lokale njoftojnë se në ndërtesat ka njerëz të ngujuar, ndërsa sipas informatave të fundit të shërbimit zjarrfikës tajvanez, jetën e kanë humbur katër persona, ndërsa rreth 60 janë lënduar.

Tërmeti shkaktoi ndërprerje të energjisë elektrike, ndërsa ka ndodhur në ora 7:58 sipas kohës lokale në thellësi prej 15,5 kilometrave nga bregu jugor. Nga dridhja në Tajpei më shumë se 87.000 amvisëri kanë mbetur pa rrymë, ndërsa janë ndërprerë edhe trenat e shpejtë.

The 7.4 magnitude #earthquake in eastern #Taiwan is the strongest in 25 years.

- Multiple buildings have collapsed

- #Tsunami warnings issued in Taiwan and Okinawa, #Japan and the Philippines.

- Internet outages reported in Taiwan. pic.twitter.com/KfAQk6GWk0

— 99 attempts (@Itismourinho) April 3, 2024

Qendra japoneze për tërmete njoftoi se disa cunami më të vogla kanë arritur në prefekturën jugore Okinava.

Agjencia sizmologjike e Filipineve po ashtu i paralajmëroi banorët e rajoneve bregdetare dhe u bëri thirrje të strehohen në vendet më të larta. Tërmeti është ndjerë edhe në Shangaj. bsh/

Foto: Printskrin