Grozni, 15 dhjetor 2024 (MIA) – Në kryeqytetin e Republikës Çeçene, Grozni, sot në mëngjes u dëgjuan katër shpërthime, njoftuan autoritetet lokale në Telegram, duke iu referuar dëshmive të popullatës dhe bëjnë të ditur se bëhet fjalë për sulm me fluturake ukrainase pa pilot. 

Dëshmitarë okularë thonë se kanë dëgjuar tinguj të shpërthimeve rreth orës 7 e 45 minuta sipas kohës lokale, duke bërë të ditur se para shpërthimeve në fshatin e afërm dëgjoheshin tinguj karakteristikë për dronë, transmeton Gazeta ruse. 

“Paraprakisht mund të thuhet se bëhet fjalë për sulm me dron”, thuhet në njoftimin e autoriteteve lokale, në të cilin saktësohet se në qytet janë regjistruar katër shpërthime.

Është konfirmuar edhe se policia lokale ka hapur zjarr ndaj dronëve të drejtuar ndaj stacionit policor. fc/

Fotografia: Skrinshot në X