Shkup, 8 tetor 2024 (MIA) - Presidentja e shtetit, Gordana Siljanovska Davkova, sot ka folur në seancën plenare të takimit të liderëve të vendeve pjesëmarrëse në Procesin Bërdo-Brioni, që po mbahet në Tivat të Malit të Zi. .

Siljanovska Davkova në fjalimin e saj iu referua integrimit evropian si sfidë prioritare për vendet e rajonit. Sipas saj, dhoma e pritjes e Bashkimit Evropian e quajtur Ballkani Perëndimor zbrazet vetëm në dy mënyra: me integrimin e vendeve të këtij rajoni gjeopolitik në BE ose përmes emigrimit të njerëzve, veçanërisht të rinjve, të cilët siç ajo tregojnë se janë të lodhur duke pritur anëtarësimin e vendeve të tyre në Bashkimin Evropian dhe janë integruar pas një procedure të shpejtë, me një rrugë të shkurtër, shpesh me një pasaportë të një vendi të huaj.

Një kërcënim i tillë demografik, sipas presidentes Siljanovska Davkova është i rrezikshëm jo vetëm për ekonominë, por edhe për demokracinë, sepse, siç theksoi, më pak qytetarë do të thotë gjithnjë e më pak presion mbi autoritetet për reformat evropiane, për sundimin e ligjit dhe luftën kundër korrupsionit, për vlerat demokratike dhe respektimin e të drejtave dhe lirive të njeriut. 

"Procesi Bërdo Brioni duhet të na ndihmojë, kjo dhomë pritjeje që quhet Ballkani Perëndimor të zbrazet me integrimin e shteteve, jo me migrimin e qytetarëve. Procesi do ta përmbushë qëllimin e tij kur shteti i fundit i ngecur në këtë rajon gjeo-politik të bëhet anëtar i plotë i Unionit dhe kur të dorëzojmë zhargonin e Ballkanit Perëndimor në histori, jo më vonë se vitin 2030#, tha presidentja Siljanovska Davkova, kumtuan nga kabineti i saj.

Ajo theksoi se është e nevojshme që të gjitha vendet të trajtohen në mënyrë të barabartë dhe se progresi drejt BE-së është rezultat i arritjes së reformave dhe kritereve evropiane që lidhen me legjislacionin evropian.

"Si shtet i përkushtuar për fqinjësi të mirë dhe bashkëpunim rajonal, ne i respektojmë marrëveshjet bilaterale me fqinjët tanë dhe presim që fqinjët tanë t'i respektojnë marrëveshjet pa e keqpërdorur të drejtën e vetos", theksoi Siljanovska Davkova.

Para liderëve të procesit Bërdo-Brioni , ajo vuri në dukje nevojën për bashkëpunim rajonal dhe mbështetje të ndërsjellë, sipas shembullit të vendeve skandinave, duke theksuar se kjo është e nevojshe për të qenë në gjendje të fokusohemi në problemet kyçe të rajonit. 

"Tashmë e kam përmendur emigrimin e të rinjve. Kësaj do t'ia shtoj edhe nevojën për infrastrukturë, lidhje energjetike dhe digjitale, të cilat do të ndihmojnë rajonin të bëhet më konkurrues në tregun më të gjerë evropian dhe global. Plani i Bashkimit Evropian për rritje për Ballkanin Perëndimor duhet të jetë instrument nga i cili të gjitha vendet e rajonit, pavarësisht nga niveli i procesit të integrimit evropian, të ketë përfitime të barabarta. Por, në horizont është edhe një problem edhe më serioz, e ai është ndryshimet klimatike", tha presidentja. 

Sipas Siljanovska Davkovës, riintegrimi evropian, përkatësisht ribashkimi është i paplotë pa ne, sepse ndarja e Perëndimit dhe Lindjes është artificiale dhe duhet tejkaluar. Siç theksoi ajo, integrimi i plotë i Ballkanit në BE do t'i japë fund rivizatimit të pafund të kufijve, si dhe ballkanizimit si fenomen.

Në deklaratë pas përfundimit të takimit, presidentja theksoi se takimi u zhvillua në një atmosferë miqësore dhe në të u theksua rëndësia e bashkëpunimit rajonal dhe mbështetjes, duke potencuar se nuk mund të presim respekt dhe mirëkuptim nga anëtarët e BE-së, nëse mes vete nuk kuptohemi. Ajo theksoi rolin kyç të nismëtarëve të Procesit Bërdo-Brijoni, Sllovenisë dhe Kroacisë, dhe shprehu shpresën për vazhdimin e zërit të tyre në procesin e ribashkimit apo riintegrimit tonë në Evropë.

Në samitin e sotëm, krerët e delegacioneve të vendeve pjesëmarrëse në Procesin Bërdo-Brioni miratuan një Deklaratë në të cilën konfirmuan besimin e tyre të palëkundur se integrimi i Ballkanit Perëndimor në Bashkimin Evropian është rruga më premtuese dhe e domosdoshme për në Evropë, duke theksuar domosdoshmëria e hapave të guximshëm për të siguruar stabilitet afatgjatë në kontinent dhe krijimin e kushteve që të rinjtë të qëndrojnë në rajon dhe të përparojnë në shoqëri të drejta, të begata dhe të qëndrueshme. ls/

Foto: Kabineti i presidentes së vendit Gordana Siljanovska Davkova