Siljanovska Davkova - Jandrokoviq: Kroacia si mike jonë e dëshmuar mund të na ndihmojë shumë në procesin e eurointegrimit
- Presidentja Gordana Siljanovska-Davkova priti kryetarin e Saborit kroat, Gordan Jandrokoviq i cili ndodhet për vizitë zyrtare në vend.
- Post By Fami Bajrami
- 10:58, 7 mars, 2025

Shkup, 7 mars 2025 (MIA) - Presidentja Gordana Siljanovska-Davkova priti kryetarin e Saborit kroat, Gordan Jandrokoviq i cili ndodhet për vizitë zyrtare në vend.
Që të dy, siç kumton Kabineti presidencial, kujtuan fillimet e përbashkëta të integrimit evropian njëzet vjet më parë, por me një përfundim krejtësisht të ndryshëm.
Për presidenten, përvoja eurointegruese kroate është një mësim i rëndësishëm për ne dhe Kroacinë, pasi miku ynë i dëshmuar mund të na ndihmojë shumë me mësimet e nxjerra në procesin e eurointegrimit.
Siljanovska-Davkova theksoi gatishmërinë tonë për t'u përballur me sfidat e Kopenhagës, nëse nuk ngecim në mosmarrëveshje të pakuptimta dypalëshe, që janë një kërcënim real jo vetëm për ne dhe rajonin, por edhe për zgjerimin e BE-së.
Kryetari i Saborit kroat shprehu mendimin e tij se kërcënimi i vetos nga fqinjët nuk është i drejtë dhe se Kroacia do të mbetet miku ynë besnik me mirëkuptim dhe mbështetje të madhe për ne.
Presidentja dhe Jandrokoviq theksuan shqetësimin e tyre për pakicën maqedonase në Kroaci dhe minoritetin kroat në Maqedoni, të cilat janë shndërruar në ura solide të besimit dhe bashkëpunimit të ndërsjellë.
Në takim u diskutua për ndryshimet dramatike në rendin botëror, si dhe për situatën e pambrojtur të sigurisë në aspekt evropian dhe global me një angazhim për një zgjidhje të përhershme të paqes ruso-ukrainase.
Takimi, siç thuhet në kumtesë, përfundoi me marrëveshje për vazhdimin, zgjerimin dhe thellimin e marrëdhënieve maqedono-kroate në sferën e politikës, ekonomisë, kulturës, turizmit dhe sportit.
Presidentja i dërgoi përshëndetje të ngrohta kryetarit të Kuvendit të Kroacisë të cilën e pret për vizitë shtetërore në maj. rq/
Foto: Kabineti i presidentes Gordana Siljanovska-Davkova