Kumanovë, 2 prill 2024 (MIA) - Qendra e Shëndetit Publik Kumanovë ka shpallur epidemi të kollës së mirë në nivel të Kumanovës, kumtuan sot zyrtarë nga institucioni publik shëndetësor. Epidemiologia Edita Ramizi tha se nga 26 si të paraqitur në nivel të Qendrës, 23 të sëmurë janë në Kumanovë.

"Duke marrë parasysh rritjen e numrit të pacientëve nga 'kolla e mirë' konsiderojmë se në territorin e qytetit të Kumanovës duhet të raportohet epidemi e kollës së mirë me gjithsej 23 pacientë, prej të cilëve pesë janë të regjistruar, persona të hospitalizuar. Mosha e pacientëve sillet nga 4 muaj deri në 60 vjeç. Numri më i madh është nga 1 deri në 4 vjeç, pastaj është nën një vit, që nga pesë deri në 9 vjeç, pjesa tjetër përfaqësohet nga një rast. Sigurisht mbetet rekomandimi dhe apeli për vaksinimin e fëmijëve për t'i mbrojtur nga kjo sëmundje. Të gjitha rastet janë konfirmuar në mënyrë laboratorike nga të cilët numri më i madh janë konfirmuar në laboratorin mikrobiologjik në Qendrën e Shëndetit Publik Kumanovë. Sa i përket statusit të vaksinimit të të sëmurëve nga Kumanovë, tetë persona janë të vaksinuar plotësisht, tre janë të vaksinuar sipas moshës, pesë persona janë të pavaksinuar plotësisht, gjashtë janë të pavaksinuar, statusi i vaksinimit të personit 60 vjeçar nuk dihet", deklaroi mjekja Ramizi. 

Nga Qendra për Shëndet Publik thonë se janë ndërmarrë masa në përputhje me rekomandimet e Komisionit për Sëmundje Infektive dhe Institutit për Shëndet Publik, zbulimin e rasteve të dyshimta, kontrollet e statusit të vaksinimit, izolimi i pacientëve dhe rekomandime për përjashtimin e përkohshëm nga institucionet, shkolla, kopshte, qendrat arsimore, raportimi i rregullt dhe me kohë i sëmundjeve nga mjekët amë, inspektimet epidemiologjike në pikat e vaksinimit, rekomandime për vaksinimin e të gjithë të pavaksinuarve, të vaksinuar jo plotësisht, thirrje për vaksinim, komunikim me institucionet kompetente për mos pranimin e fëmijëve me kollë dhe temperaturë nëpër klasa, masa higjienike, ndalime të vizitave në spital për të hospitalizuarit...

Nga një të prekur ka në Kriva Pallankë, Likovë dhe Kratovë. qa/

Foto: MIA