Kiev, 11 nëntor 2024 (MIA) - Forcat ruse pretendohet se hodhën në erë digën Kurahivka në pjesën e okupuar të rajonit të Donjeckut, duke shkaktuar përmbytje në fshatrat e afërta në rrugën për në Bahatir.

 Rrugët janë ende të kalueshme, por ka kufizime për shkak të përmbytjeve.

Gazeetarja ukrainase dhe ish-zëdhënëse e Volodimir Zelenskit, Julia Mendel,  deklaroi se forcat ruse dyshohet se hodhën në erë një digë pranë Kurakovit, një qytet i rëndësishëm në rrugën për në Pokrovsk, duke shkaktuar përmbytje në qytetet e afërta. Këto pretendime nuk janë konfirmuar ende nga burime ruse apo ukrainase.

"Kurakov është në skaj: forcat ruse po shtojnë sulmet nga veriu, jugu dhe lindja, duke u përpjekur të rrethojnë qytetin dhe të shkurtojnë linjat logjistike të Ukrainës në autostradën Zaporozhje-Donjeck, ka shkruar ajo X.

 Lufta në Ukrainë është përshkallëzuar ndjeshëm ditët e fundit, me të dyja palët që kryen sulmet më intensive me dronë gjatë fundjavës që nga fillimi i konfliktit gati tre vjet më parë. Rusia po bën përparim të ngadalshëm, por gradual në front, duke shtrënguar gjithnjë e më shumë qarkun rreth Pokrovskut, ku pozicionet e saj tani janë vetëm gjashtë kilometra larg qytetit.

 Ndërkohë, Rusia po përpiqet të përdorë forca të rëndësishme ushtarake për të shtyrë trupat ukrainase nga rajoni perëndimor i Kurskut, konfirmoi komandanti i përgjithshëm ukrainas Oleksandër Sirski.

 Foto: Julija Mendel