Shkup, 28 prill 2024 (MIA) - Shoqata e Maqedonisë për Siguri në Punë sot, me rastin e Ditës Botërore për Siguri dhe Shëndet në Punë, me mbështetjen e Komunës Aerodrom, kompanive Knauf Radika SHA nga Dibra, Komfi Angel nga Prilepi dhe partnerin social Konfederata e Sindikatave të Lira të Maqedonisë, në parkun në rrugën "Pandil Shishkov" në komunën e Aerodromit, do të mbjellin 15 drunj, për nder të po aq punëtorëve që kanë vdekur në vendin e punës gjatë viti 2023 në vend.

"Të dhënat për vitin 2023 konfirmojnë se njerëzit po vdesin në vendet e punës! Në nderim dhe kujtim të tyre, më 28 prill filluam projektin për krijimin e parkut më të vogël në botë, në të cilin mbollëm fidane nga drunjtë në kujtim të punëtorëve të vdekur gjatë vitit të kaluar kalendarik", thonë nga Shoqata e Maqedonisë për Siguri në Punë.

Çdo vit më 28 prill festohet Dita Botërore për Sigurinë dhe Shëndetin në Punë, e cila është edhe Dita Ndërkombëtare e Përkujtimit të të gjithë punëtorëve që humbën jetën për shkak të lëndimeve në punë dhe sëmundjeve profesionale. Fokusi i festimit të këtij viti është ndikimi i ndryshimeve klimatike në vendet e punës dhe nevoja për të ndërtuar sisteme më të përshtatshme të sigurisë dhe shëndetit në punë për të mbrojtur shëndetin e punëtorëve. fc/

Fotografia: Printskrin