Shkup, 3 nëntor 2023 (MIA) - Seanca publike në Gjykatën e Apelit në Shkup për lëndën penale KOKZH-153-22, e njohur në opinion si “Lidhja ndërkombëtare”, sot është shtyrë për 15 dhjetor.

Në seancën e sotme të Gjykatës së Apelit ishin të pranishëm vetëm e akuzuara Jasna Ercegoviq dhe avokatët Stevan Pavleski dhe Vladimir Tufegçiq, si dhe prokurori publik Burim Rustemi.

Gjyqtari Zoran Dimitrievski konstatoi se i akuzuari Bojan Jovanovski ishte ftuar me rregull, por nuk është zbatuar nga INP - Idrizovë, ndërsa babai i tij, i akuzuari Mile Jovanovski nuk është pranishëm, por gjykata nuk ka dëshmi për ftesë të rregullt.

"Duke marrë parasysh të theksuarën më sipër. Për seancën e sotme publike nuk ka dëshmi për ftesë formale për të akuzuarin Mile Jovanovski. Këshilli vlerësoi se nuk janë përmbushur obligimet ligjore për mbajtje dhe shtyhet për 15 dhjeto"r, informon Dimitrievski.

Gjyqtari në fillim bëri me dije se në Gjykatë janë pranuar dy parashtresa me të cilat kërkohet shtyrja e seancës së sotme.

Më 30 tetor të këtij viti, i pandehuri Bojan Jovanovski - Boki 13 ka dorëzuar njoftim në Gjykatë me kërkesë për shtyrjen e seancës publike, me arsyetimin se protokolli mjekësor për gjendjen shëndetësore parasheh trajtim të rreptë për dhjetë ditë dhe përfundon më 8 nëntor. Për këto arsye, dhe duke pasur parasysh kërkesën që personalisht të marrë pjesë në seancën publike dhe të elaborohen pretendimet ankimore, Jovanovski kërkon nga Gjykata që të caktojë datë të re për seancën publike.

Më 2 nëntor të këtij viti, Gjykata ka pranuar parashtresën me shkrim nga mbrojtësit e Bojan Jovanovskit, Mile Jovanovskit dhe Hristina Bllazheskës me kërkesë për shtyrjen e seancës publike me arsyetimin se në të njëjtën periudhë është angazhuar si mbrojtës për katër të pandehur në një çështje paraburgimi në Gjykatën Penale.

Gjykimi për “Lidhja ndërkombëtare” përfundoi më 7 prill 2022. Këshilli gjykues në Gjykatën Themelore Penale – Shkup caktoi gjithsej 14 vjet burg për të akuzuarit edhe atë dënim të vetëm me burg prej nëntë vitesh për të akuzuarin e parë Bojan Jovanovski për “mashtrim” dhe "larje të parave dhe të ardhurave të tjera nga vepër penale”. E pandehura Jasna Ercegoviq është shpallur gjithashtu fajtore edhe për “mashtrim” dhe “larje të parave dhe të ardhurave të tjera të veprës penale”, me të cilën gjykata i ka caktuar dënimin e vetëm prej katër vitesh burgim, në të cilin koha e kaluar në arrest shtëpiak gjithashtu merret parasysh. Këshilli gjykues i liroi nga akuza për "mashtrim" të akuzuarit Frosina Tashevska Remenski dhe Hristina Blazevska, ndërsa Blazhevska u akuzua vetëm për “larje të parave dhe të ardhurave të tjera” dhe u dënua me një vit burg. Gjykata e dënoi të akuzuarin Mile Jovanovski për veprën penale "Larje e parave dhe të ardhurave të tjera të veprës penale” dhe për “përpunim, posedim, ndërmjetësim dhe tregtim të paautorizuar të armëve apo lëndëve shpërthyese” me një dënim të vetëm prej dy vjetësh, i cili nuk do të kryhet nëse i akuzuari në afat prej pesë vitesh pas plotfuqishmërisë së aktgjykimit nuk kryen vepër penale. Gjykata e dënoi personin juridik “Lidhja ndërkombëtare” me gjobë prej një milion denarë.

Gjyqi u udhëhoq nga gjyqtarja Sofçe Gavrilova-Efremova, ndërsa prokurorinë e përfaqësoi prokurorja Ivana Trajçeva.

Sipas aktakuzës, në periudhën prej 8 korrikut 2017 deri më 13 prill 2018, i akuzuari i parë, si kryetar i organizatës joqeveritare të akuzuar “Lidhja ndërkombëtare”, me qëllim të përfitimit të përfitimit pasuror të kundërligjshëm për vete, ka përdorur dokumentet nga OJQ-ja e cekur dhe i ka sjellë dhe ka mbajtur në mashtrim dy personat e lënduar. Ai ka përfaqësuar në mënyrë të rreme se do të sigurojë tokë të pandërtuar në pronësi të shtetit për ndërtimin e një qendre evropiane për të rriturit dhe një shërbim mobil, si dhe subvencione nga shteti dhe viktimat, të mashtruara në këtë mënyrë në dëm të pronës së tyre, kanë paguar përmes Agjencisë së Maqedonisë për të Drejtat e Autorit shuma që tejkalojnë vlerën e konsiderueshme edhe atë 719.905 euro, përkatësisht 233.821 euro në kundërvlerë në denarë. ls/

Foto: Arkivi i MIA-s