Shkup, 2 tetor 2023 (MIA) - Në Kuvend sot seancë do të mbajë Komisioni për çështje të zgjedhjeve dhe emërimeve, ku në rend të ditës janë disa pika.

Deputetët duhet të debatojnë për konfirmimin e propozim-vendimeve për zgjedhje të shoqatave në sferën e të drejtave të njeriut, të drejtën policore dhe jurisprudencë, për Avokatin e popullit - mekanizëm për kontroll qytetar, për emërimin e anëtarit të Komisionit të Agjencisë për posta, për shkarkimin dhe emërimin e kryetarit dhe anëtarëve të Këshillit për statistikë të Republikës së Maqedonisë së Veriut, për emërimin e kryetarit dhe anëtarit të Bordit drejtues të Agjencisë për aviacion civil, për emërimin e anëtarit të Komisionit shtetëror për ankesa për prokurime publike, për emërimin e anëtarit të Komisonit për mbrojtje të konkurrencës.

Komisioni duhet t'i konfirmojë edhe propozim-vendimet për emërimin e kryetarit dhe anëtarëve të Këshillit për ndarjen e çmimit shtetëror "Nënë Tereza", për emërimin e kryetarit dhe anëtarëve të Këshillit për ndarjen e çmimit shtetëror "Shën Klimenti i Ohrit", për emërimin e kryetarit dhe anëtarëve të çmimit shtetëror "Mito Haxhi Vasilev Jasmin", për emërimin e kryetarit dhe anëtarëve të Këshillit për ndarjen e çmimit shtetëror "22 Nëntori" dhe për emërimin e kryetarit dhe anëtarëve të Këshillit për ndarjen e çmimit shtetëror "Meto Jovanovski". bsh/