Madrid, 4 nëntor 2024 (MIA) – Trajneri i Real Madridit, Karlo Ançeloti është i pakënaqur me paraqitjet e Kilian Mbapes për shkak të mosgatishmërisë së tij për të ndihmuar ekipin në mbrojtje.

Sipas “Relevo”, Ançeloti është ankuar për lojën e Mbapes pas disfatës ndaj Barcelonës (0:4) në derbin e madh. Sipas ndihmës trajnerëve, Mbape ka vrapuar vetëm tetë kilometra në ndeshje dhe nuk mori pjesë në presingun si lojtarët e tjerë. Italiani theksoi gjithashtu se Mbape para golit të parë nuk e ka ndjekur mesfushorin katalunas Mark Kasado në qendër të terrenit, duke i dhënë atij mundësinë për të asistuar Robert Levandovskin.

Poashtu është vënë re se për shkak të pasivitetit të francezit, ngarkesë më e madhe e detyrave në mbrojtje bie mbi mesfushorin Xhud Belingem.

Për momentin stafi i ekspertëve mendon mbi mënyrat për zgjidhjen e problemit.

Mbape luan për klubin mbretëror që nga vera e vitit 2024. Këtë sezon, sulmuesi 25-vjeçar ka shtatë gola dhe dy asiste në 13 ndeshje në të gjitha garat.

Foto: EPA