Rama më shumë se krenar nga kontributi i Shqipërisë në procesin e normalizimit të marrëdhënieve mes Kosovës dhe Serbisë
- - Kryeministri shqiptar Edi Rama deklaroi se është "më shumë se krenar për kontributin e Shqipërisë në procesin e vështirë në normalizimin e marrëdhënieve mes Kosovës dhe Serbisë".
- Post By Fitore Curri
- 11:03, 3 nëntor, 2023
![Rama më shumë se krenar nga kontributi i Shqipërisë në procesin e normalizimit të marrëdhënieve mes Kosovës dhe Serbisë](https://mia.mk/images/20231103110305_big_730x400_62.webp )
Tiranë, 3 nëntor 2023 (MIA) - Kryeministri shqiptar Edi Rama deklaroi se është "më shumë se krenar për kontributin e Shqipërisë në procesin e vështirë në normalizimin e marrëdhënieve mes Kosovës dhe Serbisë".
"Nuk mund të mos jem më shumë se krenar për kontributin vendimtar dhe konkret të Shqipërisë në procesin e vështirë të normalizimit të marrëdhënieve ndërmjet Kosovës dhe Serbisë. Megjithatë, draft-statuti për Asociacionin e Komunave me Shumicë Serbe (AKSHS) i pranuar nga Kosova dhe Serbia si dokument i duhur i punës është draft i BE-së", ka shkruar ai në një postim në rrjetet sociale.
"Shqipëria do ta mbështesë fuqishëm Kosovën në zbatimin e Marrëveshjes Themelore dhe do të vazhdojë të luajë rolin e saj në promovimin e paqes, stabilitetit dhe bashkëpunimit rajonal ndërmjet të gjitha vendeve të fqinjësisë sonë", thekson ai.
Rama paralajmëroi se së shpejti do të udhëtojë për në Prishtinë që personalisht ta tregojë mbështetjen e tij.
Siç raportojnë mediat shqiptare, Propozim-dokumenti që Rama u ka dorëzuar përfaqësuesve të lartë të BE-së është ai që përfaqësuesit evropianë i propozuan kryeministrit të Kosovës Albin Kurti dhe presidentit serb Aleksandar Vuçiq. fc/
Fotografia: Faqja në Fejsbuk e Ramës