Shkup, 23 mars 2023 (MIA) - Presidenti i shtetit, Stevo Pendarovski sonte përmes profilit të tij në Fejsbuk ka uruar për agjërim të lehtë të gjithë besimtarët e besimit islam me rastin e fillimit të muajit të Ramazanit.

Me këtë rast, Pendarovski ka publikuar një fotografi në mesin e familjes Mamuti në fshatin Radushë të Sarajit, ku dhe ka qenë si i mysafir për iftar.

“Në muajin më të ndritshëm të Islamit, të gjithë besimtarëve të konfesionit islam ju dëshiroj agjërim të lehtë gjatë Ramazanit dhe ditët e agjërimit t'i kalojnë në paqe dhe mirëqenie. Falënderoj familjen Mamuti për pritjen e ngrohtë dhe iftarin”, ka shkruar Pendarovski në profilin e tij në Fejsbuk.