Prej të enjtes kushte për të reshura dhe rënie të temperaturave, gjatë fundjavës mot stabil dhe me diell
Shkup, 11 qershor 2024 (MIA) - Deri të enjten do të jetë mot me diell dhe shumë i ngrohtë, posaçërisht nesër kur temperatura e ditës në disa vende do të arrijë 40 gradë Celsius.
Të enjten, siç paralajmërojnë nga DPHM nga fundi i ditës do të ketë kushte për të reshura lokale të shiut dhe bubullima të rralla. Ndryshim më të madh të motit me të reshura lokale të shiut, bubullima dhe rënie të konsiderueshme të temperaturave priten të premten.
Në ditët e fundjavës moti do të jetë stabil me rritje të butë të temperaturës ditore. bsh/
Foto: MIA
