Londër, 9 janar 2025 (MIA) – Uest Hemi sot e emëroi Gream Poterin trajner kryesor të ekipit, është bërë e ditur në ueb-faqen e klubit të Ligës së Parë nga Londra. 

Poteri 49-vjeçar e zëvendësoi Hulen Lopetegin në këtë pozitë.

Dje spanjolli bashkë me shtabin e tij u largua nga Uest Hemi. 

Kontrata e Poterit me “Çekanët” është për dy vjet e gjysmë. 

“Uest Hem Junajted me kënaqësi e pret Gream Poterin si trajner të ri të klubit. Menaxher i respektuar lartë dhe i kërkuar. Poteri e pret mundësinë e vërtetë pasi u largua nga funksioni i tij i fundit në Çellzi në prill të vitit 2023. Ai u zgjodh njëzëri nga bordi që ta dërgojë klubin përpara në përputhje me qëllimet dhe ambiciet e tij”, thuhet në kumtesën e klubit. 

Poteri mbeti pa punë në prill të vitit 2023, pasi ishte pushuar si menaxher i Çellzit. Më parë ishte trajner i Brajtonit, Svonsit dhe Ostersundit. fc/

Fotografia: EPA