Moskë, 17 janar 2025 (MIA) - Presidenti iranian Masud Pezeshkian sot ka mbërritur në Moskë për të biseduar me presidentin rus Vladimir Putinin për partneritet strategjik mes dy vendeve.

 Presidentin iranian në aeroportin Vnukovo e priti ministri i Energjisë Sergej Civilev, zëvendësministri i Punëve të Jashtme Andrej Rudenko dhe shefi i Departamentit të Protokollit të Shtetit Igor Bogdashev, raporton agjencia ruse e lajmeve.

Putini dhe Pezeshkiani duhet të nënshkruajnë marrëveshje për partneritet strategjik, e cila do të zëvendësojë dokumentin aktual që rregullon bazat e marrëdhënieve dhe parimet e bashkëpunimit midis Iranit dhe Rusisë, të nënshkruar në Moskë në vitin 2001, raporton agjencia. 

Foto: EPA